Повеќе од 25.000 мигранти стигнале на британскиот брег од почетокот на 2024. година, покажуваат официјалните податоци објавени денеска.

Оваа година е особено тешка поради бројот на настраданите, при што 46 лица загинале во обидот да го преминат Ламанш во несигурни чамци.

Повеќе од 1.400 мигранти тргнале од Франција и го преминале Ламанш во текот на викендот, со што вкупниот број на преминувања изнесува 25.052 преминувања од јануари, соопшти британското Министерство за внатрешни работи.

Тоа е четири проценти повеќе од истиот период минатата година, но 21 проценти помалку во однос на бројот на преминувања регистрирани во истата временска рамка 2022 година, рекордна година кога преку Ламанш во Британија пристигнале 45.000 мигранти



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.