Градоначалникот на Киев, Виталиј Кличко, изјави дека Украина „се движи кон авторитарен систем“.

“Во одреден момент нема да се разликуваме од Русија, каде што се зависи од каприцот на еден човек“, изјави Кличко за германски „Шпигел“.

„Киев Индипендент“ открива дека со ваквата оценка Кличко упатил прикриена критика кон украинскиот претседател, Володимир Зеленски.

Градоначалникот на Киев изјави дека Украина практично беше без лидерство и во хаос во текот на првите месеци од рускиот напад и ги пофали градоначалниците на украинските градови за нивните клучни лидерски улоги „да ги штитат своите сограѓани и ја поддржувајќи ја војската“.

Меѓутоа, смета Кличко, во претседателскиот кабинет на градоначалниците се гледа само како на пречки за централизацијата на власта.

И покрај тоа што е градоначалник на главниот град, Кличко откри дека со Зеленски не разговарал од почетокот на рускиот напад врз Украина.  Кабинетот на Зеленски не одговори на барањето за коментар.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.