Поранешниот врховен командант на трупите на НАТО во Европа, Филип Бридлав, тврди дека постојат три сценарија во кои војната во Украина може да заврши, а две од нив предвидуваат руска победа.

Ако не направиме нешто поинаку веднаш, на крајот Украина ќе загуби бидејќи Русија има многу повеќе луѓе и длабочина од Украина, изјави Бридлав за Newsweek.

Ако Западот ја напушти Украина, тие ќе се борат храбро, но десетици илјади Украинци ќе загинат и на крајот Русија ќе ја потчини цела Украина, која повторно ќе биде руски вазал“, додаде тој.

Како командант на НАТО, Бридлав беше сведок на последиците од анексијата на Крим во 2014 година од страна на рускиот претседател Владимир Путин помеѓу 2013 и 2016 година. Тој наведува дека денес се уште постои едно сценарио кое дава надеж за Украина.

Ако Западот одлучи да и го даде на Украина она што ѝ треба за да победи, Украина ќе победи во оваа војна. Оваа војна ќе заврши токму онака како што западните креатори на политика сакаат да заврши“, посочи тој.

Американскиот тинк-тенк Институт за проучување на војната (ISW) верува дека замрзнувањето на конфликтот во овој момент би било полоша опција отколку да продолжи да и помага на Украина, бидејќи тоа ќе му даде време на Путин да се подготви за обновени воени напори и конфликт со НАТО.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.