Околу 4,3 милиони луѓе кои не се државјани на земјите-членки на Европската унија и кои побегнале од Украина добиле некој вид азил во земјите од ЕУ до 30 ноември 2023 година, покажуваат податоците на Евростат.

Како што се наведува, граѓаните на Украина претставуваат 98 отсто од корисниците на некој вид привремена заштита, односно азил, од кои 46,3 отсто се жени и 33,3 отсто деца, додека мажите сочинуваат 20,4 отсто.

Најголем број од тие луѓе има во Германија – 1,2 милиони (28,9 проценти), во Полска – 955.110 (22,3 проценти) и во Чешка – 369.330 (8,6 проценти).

Во Бугарија има 169.845 Украинци, во Романија – 144.295, во Унгарија – 33.720, Грција – 26.675, Хрватска – 22.900 и во Словенија – 8.710.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.