Брисел ќе спроведе ревизија на системите за оружје што и ги дадоа земјите-членки на ЕУ на Украина од почетокот на руската инвазија поради сомневањата дека некои земји обезбедиле оружје помалку отколку што можеле да си дозволат, објави „Фајненшл тајмс“, кој се повикува на три информирани извори од ЕУ.

Ревизијата ќе ја спроведе Европската служба за надворешни работи (ЕЕАС), која има намера да го достави извештајот до земјите-членки пред вонредниот самит на европските лидери на 1 февруари 2024 година.

Дипломатите посочија дека ревизијата ќе се заснова на податоците обезбедени од земјите-членки како одговор на прашањата на ЕЕАС, од кои некои веќе покажаа неподготвеност да дадат целосен обем на информации. Студијата ќе биде спроведена поради барањето на германскиот канцелар Олаф Шолц да се споредат по типови и да се утврдат како број воените залихи за Украина обезбедени од одделни земји.

Според неговата изјава за новинарите, засега испораките се планирани во премал обем, а дополнително треба да се направи преглед на конкретниот придонес на секоја поединечна земја за поддршка на Украина во 2024 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.