Речиси сите претставници на владејачката коалиција – социјалдемократите, зелените и либералите – го одбија предлогот на Христијанско-демократската унија (ЦДУ) и на сестринската баварска Христијанско-социјална унија (ЦСУ) да ѝ се прати на Украина оваа модерна ракета од шведско-германско производство.

Германската агенција Дпа пишува дека овој резултат од гласањето е збунувачки зашто зелените и либералите со месеци бараа од канцеларот Олаф Шолц да ги прати овие ракети, кои би му овозможиле на Киев да гаѓа длабоко во руска територија.

Претставниците на либералите тврдат дека гласале против зашто предлогот бил поврзан со годишниот извештај на парламентарниот комесар на германските вооружени сили, „што не е добро“, напиша Мари-Агнес Страк-Зимерман, која сепак го поддржува праќањето на ова оружје на Киев.

Таурус е една од најмодерните ракети, способна да уништи комплекс бункери од голема оддалеченост и височина. Шолц во почетокот на октомври реши засега да не ја снабдува Украина со ова оружје плашејќи се токму од тоа дека Украина би можела да ја гаѓа руската територија, пренесува Дпа.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.