Институтот за проучување на војната (ISW) во својот последен извештај наведува дека Белорусија го променила текстот на Уставот за да се откаже од својата неутралност и ненуклеарен статус, што е потврдено од белорускиот генералштаб.

Заменик-началникот на белорускиот генералштаб, полковник Андреј Богодел, вчера изјави дека Белорусија ги направила неопходните измени на својот Устав со откажување од неутралноста и отстранување на делот за ненуклеарен статус, за да одговори на „надворешните предизвици и закани“

Овој потег на Минск доаѓа откако Русија испрати тактичко нуклеарно оружје на белоруска територија. Рускиот претседател Владимир Путин минатата недела изјави дека во Белорусија е пристигнато првото тактичко нуклеарно оружје што ќе биде стационирано таму.

Американскиот претседател Џо Бајден потоа предупреди дека руската закана за употреба на тактичко нуклеарно оружје е „реална“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.