Германската министерка за надворешни работи, Аналена Бербок, изјави дека персоналот на германската амбасада и нивните семејства остануваат во главниот град на Украина, Киев.

Ситуацијата постојано се преоценува, а безбедноста на службениците има највисок приоритет – изјави Бербок пред самитот на министрите за надворешни работи на ЕУ во Брисел.

Дипломатите, како и членовите на нивните семејства, нема да ги повлекува ниту Европската Унија.

Мислам дека не треба да драматизираме – изјави шефот на европската дипломатија, Жозеф Борел.

Тој смета дека Украина не треба да се остави сама додека траат преговорите со Русија, но признава и дека ситуацијата може да се промени.

Вашингтон претходно најави дека поради тензичната ситуација ќе го намали бројот на вработени во амбасадата во Киев, но дека амбасадата ќе остане отворена.

САД и даде оружје на украинската војска и им препорача на своите граѓани да ја напуштат земјата

Велика Британија, исто така, ги повлекува вработените од својата амбасада во Киев.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.