Центарот за локална самоуправа (ЦЛС) денеска соопшти дека, според извори од Градското сообраќајно претпријатие и порталот Е-капија, Белград планира да ги отстапи автобусите Соларис на Скопје и другите градови во Македонија, што невладината организација го оценува како „произволен, неразумен и штетен потег“, јави дописникот на МИА.

–Во ситуација кога градскиот превоз во Белград е во криза, а граѓаните покажуваат големо незадоволство, откажувањето на сто сигурни и популарни автобуси „Соларис“ поради нечиј личен маркетинг и каприци би бил антибелградски потег, изјави директорот на ЦЛС, Никола Јовановиќ.

Според неговото мислење, крајниот мотив за таквиот потег не би бил наводното подмладување на возниот парк, туку „одмазда“ на градоначалникот Александар Шапиќ кон неговите претходници во Белград, и „пред се, создавање простор за дополнителен увоз на турски автобуси на гас, кои се далеку под квалитетот на европските производители и во никој случај не одговараат на потребите на Белград“.

Solaris Urbino 18 е зглобен автобус дизајниран за јавен градски превоз, се израбтува во Полска, во близина на Познан, и досега во Србија од 2011 година се извезени над 200 автобуси.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.