Дванаесетото издание на скопскиот пивски фестивал Пиволенд ќе се оддржи на 21-ви, 22-ри и 23-ти Септември на паркингот пред спортската сала Борис Трајковски.

Најголемиот гурмански викенд со Пиво во Скопје како и предходните изданија ќе понуди широка лепеза на домашни и странски брендови на индустриски пива, како и многу различни домашни крафт (занаетчиски) пивски брендови кои посетителите ќе можат да ги дегустираат заедно со вкусна храна и богата музичка програма.

На трите фестивалски дена музичката програма ќе започнува во 18:00 часот и ќе трае до раните утрински часови.
Наскоро ќе бидат објавени учесниците и музичарите кои оваа година ќе го обезбедат уживањето на скопјани и сите посетители.

Од организаторите на фестивалот доаѓа и апел до посетителите да конзумираат одговорно, да избегнуваат користење на моторни возила како и да го почитуваат долгогодишното мото : ДОЈДИ ВИДИ ИСПИЈ. ПИВОЛЕНД 2023



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.