Кристијано Роналдо побара трансфер. Веќе нема дилема, тој сака да си замине една година пред истекот на договорот и тврди дека има понуда, иако официјално никој не им се обратил на „ѓаволите“.

Португалскиот ас преку агентот Жорге Мендеш побарал од Манчестер Јунајтед да ја наведе цената за да донесе пари и да го напушти клубот. Неговиот агент предложил поради лојалност клубот да го ослободи Роналдо без обештетување, но тоа било одбиено.

Се шпекулира дека Португалецот сака да го напушти „Олд Трафорд“ за да игра во Лигата на шампионите. Се споменуваат неколку заинтересирани клубови, а 37-годишниот Кристијано Роналдо, кој пропушти добар дел од воведните подготовки и не отпатува за Азија, пред неколку дена се појави во тренинг центарот на клубот.

Најновата информација е дека Роналдо би можел да се врати во Спортинг Лисабон.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.