Средбите на пензионерите Дополнителната заменичка министерка на министерството за труд и социјална политика, Јованка Тренчевска продолжуваат. Денес беше на состанок со претставници на Сојузот на пензионери на Македонија. На средбата се разговараше за досегашниот придонес на Сојузот кон креирањето на политики кои го подобруваат квалитетот на живот на највозрасните граѓани во државата.

Тренчевска на почетокот од своето обраќање до пензионерите зборуваше за едно од најважните прашања кои ги загрижува сите пензионери, а тоа е домувањето.

„Се залагаме да има што повеќе државни домови, за да имаат поголем пристап до нив што повеќе возрасни лица во нашата држава. Покрај парцелата за нови простории за Здружението на пензионери во Кавадарци во програмата за капитални инвестиции е предвиден и државен дом за стари лица. Исто така во завршна фаза е домот за стари лица во Пробиштип и во Крива Паланка, воедно оваа година ќе се заврши целосно и доградбата на четвртата ламела на Домот за стари лица „Иван Влашки“ во Берово“ рече Тренчевска.

Таа се осврна и на социјалните услуги и посочи дека услугата помош и нега во домот е една од најатрактивните во моментот. Услуга која ја користат 1500 корисници. Исто така таа зборуваше и за Центрите за активно стареење како уште една новина која придонесува до посреќни  пензионерски денови.

На крај Тренчевска посочи дека континуирано се работи и активно на прашањето за минималната пензија, особено со фокус на одржување на стабилноста на Фондот за пензиско и инвалидско осигурување затоа што како што таа истакна нејзин приоритет е секој пензионер пред се да продолжи да ја добива пензијата на сметка навремено.

 

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.