Пратеникот на СДСМ, Миле Талески, вели дека неговата партија покажува што значи вистинска грижа за тутунарите и што значи почитување и вреднување на нивнот труд и мака.

Според него, откупот на тутунот се одвива добро и што е најважно овие денови се гледа уште едно зголемување на откупната цена за 35 денари, доаѓајќи до просечна цена од 365 денари по килограм во овој момент.

За 20 денари ја зголемуваме субвенцијата по класи за предаден тутун и креираме нова мерка за субвенција по пријавена површина тутун од 6.000 денари по пријавен хектар.

Секој еден тутунар покрај овие 365 денари откупна цена на тутунот, би добил и 100 денари по килограм, субвенција за предаден тутун од прва класа.

Вкупна поддршка за прва класа тутун од 465 денари добива секој тутунар.

Дополнително, тутунарите преку новата мерка за прв пат, стекнуваат право и за мерката зелена нафта, во износ од 12.000 денари по хектар.

СДСМ преку надлежното Министерство за земјоделство навремено уште пред почеток на бербата и откупот, ги започна разговорите меѓу откупувачите и тутунарите.

Еве ги резултатот, дојдовме до повисока цена, прифатлива за двете страни, цена која е фер и ја почитува маката на тутунарите.

Паметат тутунарите, со ДПМНЕ во 2016 година имаа линеарна исплата од 60 денари по килограм.

Со СДСМ тутунарите и сите земјоделци добиваат повеќе.

Така и ќе продолжиме, вели Талески.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.