Министерот за надворешни работи, Бујар Османи, на маргините на 77-то Генерално заседание на ОН, оствари средба со Филип Рикер, виш советник на САД за кавкаски преговори и долгогодишен пријател на Македонија.

На средбата стана збор за претстојното претседавање на Македонија со ОБСЕ во 2023 година, со акцент на приоритетите, предизвиците и идните планирани активности во овој контекст.

Воедно, беше реафирмирано силното сојузништво меѓу Македонија и САД, со посебен фокус на неодамна одржаниот стратешки дијалог меѓу двете земји, како значајна пресвртна точка во севкупните билатерални односи.

Соговорниците се осврнаа и на неодамнешното отпочнување на пристапните преговори на Македонија со Европската Унија, при што Османи упати благодарност за силната поддршка од САД за нашиот евроинтегративен процес. Воедно, беше поздравен континуираниот американски ангажман во Западен Балкан како значајна гаранција за стабилноста и напредокот на целокупниот регион, што е особено важно во контекст на актуелните безбедносни предизвици.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.