„Се дружиме за Македонија“, голема забава за најмладите по повод 33-иот роденден на Република Македонија се одржа деновиве во „Беломорски Клуб Читална“ во центарот на Скопје, а во организација на Здруженијата на Македонците од Егејот.

Десетици дечиња од најразлична возраст заедно со своите родители се забавуваа во ритмите на македонската музика, организирани работилници, квизови преку кои децата покажаа што знаат и можат за Македонија.

Секое од дечињата си замина од клубот со подарок сувенир во црвено жолтите бои на Македонија.

Главна цел на клубот и во наредниот период ќе бидат младите, од нив се почнува. Ќе продлжиме со ваков тип на настани за најмладите но планираме и во континуитет да организираме посета и историски час на деветооделенците во нашиот клуб, се со цел да ја разбудиме националната свест и гордост кај младите“, вели Сотир Лукровски, координаторот на здруженијата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.