Поднесена Илинденска декларација, но што има во неа се уште никој не открива. Декларацијата не е достапна на веб страницата на Собранието, а ниту пратениците од СДСМ не откриваат што точно пишува во неа.

Сител се обиделе да добиејат став или да ја добијат самата Декларација, но ниту пратеникот Дарко Каевски, кој практично денеска ја најави, ниту координаторот на пратеничката група Јован Митревски не одговориле на повиците и пораките.

Единствено пратеничката Калевска Ванчева била располжена за разговор, но ниту таа не открила многу.

Афирмативна една декларација со која што уште еднаш фактички го потврдуваме она што е наша и формална и суштинска заложба и она што е длабоко врежано во нашата колективна меморија, да кажам на нашиот народ. Тоа е, ништо друго посебно нема. Ние ја потпишавме како пратеници и таа е поднесена- изјави Калевска Ванчева.

Декларацијата се уште не е ставена не дневен ред, а пратениците од власта не знаат кога тоа ќе се случи.

Иако СДСМ побара поддршка од сите пратнеици, ниту опозицијата не знае што точно има во Декларацијата. Затоа велат дека ќе бидат претпазливи.

Документот е доставен до Собранието и Владата пет дена пред големиот празник Илинден. Го прашавле и собранискиот спикер Талат Џафери дали планира да свика посебна седница, со оглед на тоа што првата закажана активност во Собранието се уставните измени на 18 август, но до подготовка на прилогот – одговор не добивле.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.