Ниту МВР, ниту Обвинителството не кажуваат каде во моментов се наоѓа младиот бизнисмен од фамилијата Ахмети, Дрин, кој вчера беше приведен откако во багажникот на неговиот „ренџ ровер“ полицијата пронајде 749 пиротехнички средства.

Обвинителството потврдува дека МВР ги известило за настанот. Сега, ќе се прават вештачења, па ќе кажат каков прекршок сторил Ахмети.

Абази, поставен во ОЈО од Ахмети, ќе вештачи за неговиот внук

СВР Скопје во координација со јавен обвинител поднесе соодветен поднесок до ОЈО Скопје за нивно натамошно постапување, велат од МВР.

За настанот е известен јавен обвинител. Во зависност од фактите кои ќе бидат утврдени со вештачења на пронајдените пиротехнички средства јавниот обвинител ќе одлучува за натамошниот тек на постапката, кратко соопштуваат од ОЈО.

Милошоски: Доколку Спасовски не нареди полицаецот што го уапсил Дрин Ахмети сам да се „удри во пајакот” да се примени член 396 од Кривичниот законик

Правниците кои ги контактираше „Алфа“ се со сомнеж дека до крај ќе се расчисти случајот. Велат ќе се заврши со парична казна според Законот за прекршоци. Адвокати за Алфа се децидни дека ќе се направи се за да се казни со најблагиот прекршок.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.