Денеска министерот за надворешни работи и надворешна трговија, Тимчо Муцунски се сретна со амбасадорот на Австралија, Даниел Емери.

Министерот Муцунски го запозна соговорникот со приоритетите во работата на Министерството и на Владата, меѓу кои најголемо внимание и ангажман ќе биде посветен на забрзување на евроинтегративните реформски процеси.

Соговорниците разменија мислења за актуелната билатерална соработка, во чии рамки нашата дијаспора во Австралија игра многу важна улога и претставува мост за поврзување меѓу граѓаните на двете земји.

На средбата беа дискутирани можностите за унапредување на економската соработка и трговската размена, како и  соработката во други области од заеднички интерес, како и прашања поврзани со политичката и безбедносната состојба во регионот и надворешно политички теми.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.