В недела на 8 мај на спортскиот аеродром „Стенковец“ граѓаните ќе имаат уникатна можност одблиску да видат дел од воздухопловите кои се користат на вежбата „Брз одговор 22“ која се реализира на армискиот полигон „Криволак“.

Граѓаните ќе може да го посетат отворениот ден за воздухоплови, што ќе трае од 10 до 16 часот.

Од Министерството за одбрана нагласуваат дека дел од отворениот ден за воздухоплови ќе бидат хеликоптерите „АХ-64 Апачи“, „УХ-60 Блек Хоук“, „ЦХ-47 Чинук“, „ХХ-60“, „Ми-17“ и „Бел“, авионите „Злин“, а во периодот од 11.30 до 12.30 часот прелет над аеродромот ќе направат авиони „А-10 Тандерболт 2“, ловци „Ф-16“ и „Ее Тректор“.

За време на отворениот ден, граѓаните ќе можат да се запознаат и со воената професија, како и со содржините на магазинот на Министерството, „Штит“.

В недела Министерството за одбрана ќе организира превоз од спортската сала „Борис Трајковски“ (голем паркинг на салата) до спортскиот аеродром „Стенковец“ и обратно. Тргнувањето од салата „Борис Трајковски“ ќе биде во 9.30, 10.30 и 11.30 часот, а тргнувањето од „Стенковец“ во 13.30, 14.30 и 15.30 часот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.