Претседателот на Владата на Република Македонија, Талат Џафери, се сретна со Н.Е. Андреа Силвестри, амбасадор на Италијанската Република во земјава.

На состанокот се истакна големото и искрено пријателство помеѓу Македонија и Италија создадено во 30-те години од воспоставувањето на дипломатските односи помеѓу државите.

 

Денес, двете земји, констатираа соговорниците, имаат високо развиени билатерални односи и се доверливи партнери во НАТО Алијансата. Италијанската Република, како што се посочи, е силен и голем поддржувач на Република Македонија во сите демократски и реформски процеси. Посебно се потенцираше значајната улога на Италијанската Република во евроинтеграциите на Западен Балкан и конкретно на Македонија во ефикасен процес, каква што поддршка добива нашата земја.

 

Исто така, покрај политичките, одбранбените и културните односи, се констатираше дека се развиваат и економските односи, кои бележат тренд на унапредување, со оглед дека Италија е меѓу 10-те најголеми трговски и инвестициски партнери на Македонија.

Премиерот Џафери се заблагодари за Монографијата, издадена по повод 30 години дипломатски односи меѓу Италијанската Република и Република Македонија, квалификувајќи ја како драгоцено сведоштво за идните генерации, за длабокото и продуктивно пријателство меѓу државите во регионот и во европски контекст.

 

Лично, изрази задоволство, што ја има можноста и од позицијата на премиер да продолжи да придонесуваа во натамошниот развој на односите меѓу државите.
На средбата се разговараше и за претстојните двојни избори во нашата земја.

 

Претседателските и парламентарните избори се оценети како исклучително важни, со оглед на потребата да се потврди европската ориентација на Македонија, како за квалитетот на живот на граѓаните во државата, така и за стабилноста на Западен Балкан, а со тоа и на Европа.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.