Зголемување на платите на вработени во Македонската академија на науките и уметностите (МАНУ), повторно бара синдикатот на УПОЗ кој го активира штрајкот кој беше во мирување од март. Штрајкот ќе трае до исполнување на барањата. За врeме на штрајкот ќе работи само архивата за примање на пошта и дел од вработените во лабораторијата на МАНУ кои не се членови на синдикатот.

Синдикатот тврди дека раководството на МАНУ во периодот додека штрајкот бил во мирување не ја испочитувал потпишаната спогодба и не направил ништо за решавање на проблемот. Според спогодбата до 31 12.2023 година требало да се потпише нов колективен договор со кој би се решил проблемот со платите на вработените.

Претседателот на синдикатот на УПОЗ, Трпе Дејановски на прес-конференцијата рече дека вработените во МАНУ штрајкот го започнаа на 9 февруари 2023 година, кој траеше еден месец, по што е потпишана Спогодба за ставање во мирување на штрајкот. Но, како што вели Дејановски, од потпишаната Спогодба меѓу вработените и работодавецот не е исполнето ништо. Затоа штрајкот повторно е активиран и ќе трае до исполнување на барањето, а тоа е зголемување на платите на вработените.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.