Културно уметничкото друштво „Илинден“-Битола, вечерва во големата сала на Центарот за култура со повеќе од 240 играорци, ќе го изведе традиционалниот годишен концерт кој оваа година е со наслов „Од ко ќе удре с’нце, дур до мрак“.

Програмата ќе биде отворена со сценската адаптација на песни и игри од Леринско Поле „На панаѓир“, чиј автор е м-р Валентин Соклевски, а на сцената ќе бидат изведени и уметничките дела „Три години Спиро“, „Моштенки“, „На бачило“, „Чучук“ и „Црногорка“.

Вечер пред битолската публика ќе бидат изведени и кореографиите „Ратевка“, „Малешевка“ и сплет игри и песни од Источна Македонија.

Гостин на ансамблите на КУД „Илинден“-Битола е професорот на труба Илија Стојаноски, а пред вечерниот концерт, во 17 часот ќе настапат детскиот и младинскиот ансамбл, како и дел на школата за изучување на традиционални инструменти на КУД „Илинден“-Битола.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.