Во Младинскиот културен центар (МКЦ) во Скопје денеска и утре ќе се одржува првото издание на Стрип Трип Фестивалот Скопје.

На програмата, како што информира МКЦ, има дискусии и презентации на најнови домашни и регионални стрип изданија, гости автори и издавачи, изложба на реномирани стрип цртачи, музичка програма, работилница за цртање стрип за деца, филмска програма и Берза на стрипови.

Ги повикуваме сите издавачи, колекционери, стрипомани и стрип љубители, и самите и нивните најмили да дојдат и заземат активно учество на првото премиерно издание на Стрип Трип, кое искрено се надеваме ќе прерасне во богата и долгогодишна традиција, како што личи на еден сериозен, возобновен и етаблиран град, соопшти МКЦ.

Фестивалот е финансиски поддржан од Град Скопје.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.