Министерката за култура Бисера Костадиновска Стојчевска на денешната прес-конференција во Владата информира дека наредната година преку низа активности ќе се одбележи стогодишнината од раѓањето на Ацо Шопов. Таа кажа дека листата на активности најверојатно ќе се надополни.

-Стогодишнината ќе се одбележи на највисоко централно ниво со вклученост и на претседателот на Република Македонија, МАНУ и УНЕСКО. Министерството за култура ќе биде носител на сите тие активности за 2023 година. Јубилејот ќе го започнеме со поетски перформанс во седиштето на УНЕСКО во Париз, а потоа ќе следува уметничка изложба, неколку конкурси, поетска вечер во чест на Шопов на Струшките вечери на поезијата, промоција на книги и реизданија, а ќе се заврши со премиерна изведба на балетот „Молитви на моето тело“, инспириран од поезијата на Ацо Шопов, рече Костадиновска Стојчевска.

Министерката додаде дека иако станува збор за централна програма, таа ќе се реализира со сите културни установи, научни и образовни институции и е замислено да е целосно достапна за сите граѓани.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.