XIX Републички детски литературен фестивал Ракатки 2023 ја продолжи творечката нит да расте и да се развива. Осумнаесет години детски творења и детски радости, сплотени во грст творби, објавени во алманах „Ракатки-20223″. Ден кој ја полни душата со детските творби, детска возбуда и радост. Возбудени и растреперени детски срца, денес беа во воздухот во училишниот двор на ООУ „ Браќа Миладиновци“ н.Аеродром -Скопје.

Не беше случајно избрано просторот на ООУ „ Браќа Миладиновци “, бидејќи сите ние сме вистински следбеници на Св.Климент, Браќата Миладиновци, Крсте Мисирков, Кочо Рацин и Блаже Конески.

Детскиот фестивал „Ракатки“ има за цел да ги афирмира младите литерати од основните училишта ширум земјата, а со тоа да им даде препознатливост на литературните секции и менторите, кои секојдневно работат со младите во училиштата. Конкурсот за фестивалот секоја година се објавува во дневниот весник Нова Македонија – Колибри, кој медиумски го поддржува фестивалот.

Секоја година на фестивалот настапуваат голем број млади литерати. Оваа година младите литерати твореа на тема:   „Чистата средина – мост до моето здравје“ и пристигнаа 75 творби. Најдобри поетски и прозни 30 творби се избрани  од жирито и учествуваа на Републичкиот литературен детски фестивал „Ракатки“-  2023 заедно со своите  ментори.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.