За седум дена во неделата – седум предлог книги кои веќе може да се зајмат во НУ Библиотека „Григор Прличев“ – Охрид.

Од издавачката продукција на Литература.мк ви ги предлагаме следните наслови: „Автобиографија на Агата Кристи“, „Три желби“ од Лијан Моријати и „Париската библиотека“ од Скеслин Чарлс Џенет.

Во овој неделен преглед на нови наслови се и изданијата на Сакам книги, и Матица македонска: „Не напуштај ме “ од Шеви Стивенс и „Луѓе и времиња“ книга прва од познатиот македонски политичар Стојан Андов.

Не помалку интересни и возбудливи за читање, барем како такви и се најавуваат се и романите: „ Град на девојки“ од Елизабет Гилберт и „Украдени души“ од авторката Ирса Сигурдардотир обете во издание на Антолог.

Потсетување дека годишната членарина за возрасни во НУ Библиотека „Григор Прличев“ е  300 денари за возрасни и  200 денари за ученици.

Библиотеката за читателите е отворена од понеделник до петок во времето од 8 и 30 до 18.30 часот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.