Ненад Георгиевски и Мијалче-Мишко Иванов се годинашни добитници на државната награда „Мито Хаџи Василев-Јасмин“ за 2023 година, за остварувања во областа на публицистиката и новинарството од интерес на Македонија, соопштија од Министерството за култура.

Наградата за остварување во публицистиката му е доделена на новинарот и публицист Ненад Георгиевски, а Мијалче Иванов е добитник на наградата за остварување во областа на новинарството.
Претседател на Одборот за доделување на државната награда „Мито Хаџи Василев – Јасмин“ е Зоран Бојаровски.

Наградата на добитниците ќе им биде врачена на 21 декември 2023 година (четврток) во 12 часот, во свечената сала на Собранието на Република Македонија, стои во соопштението.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.