Министерката за култура Бисера Костадиновска-Стојчевска денеска информираше дека е испратена соодветна пријава до МВР поради рушењето на објектот „Шар“ во старата скопска чаршија и одново градење без дозвола.
Таа на денешната прес-конференција во одговор на прашање потенцираше дека објектот „Шар“ е под надлежност на Управата за културно наследство и разговарале со директорот на Управата, бидејќи е незаконско рушење и незаконска е градбата на нов објект.

Објектот „Шар“ е под надлежност на Управата за културно наследство, но тоа не значи дека Министерството за култура не е во тек со тоа што таму се прави. Исративме соодветна пријава до МВР и сега МВР треба да постапи за сега ние понатаму да можеме да видиме, да се преземат соодветни мерки во однос на тоа кој се осмелил да руши и да гради наново без никаква дозвола, додаде Костадиновска-Стојчевска.

Инаку, овој објект кој што е лоциран во Старата скопска чаршија, е срушен до темел, а во моментов на негово место се гради нов објект.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.