Германскиот пијанист Лука Шестак прв пат ќе настапи вечер во Македонска Филахармонија како дел од неговата европска турнеја.

Во најавата за концертот, организиторот МГ Мјузик Продукција, наведува дека пијанистот и композитор Лука Шестак, е светски признат по својата виртуозност, комбинирајќи класична музика со џез, поп, блуз, фанк, хип-хоп и електронски стилови, со неверојатни 30+ милиони прегледи на неговиот You Tube канал, а воедно и добитник на меѓународни престжни награди во областа на музиката.

По издавањето на синглот „ Right or Wrong“ за Sony Music во 2020 година, Шестак се враќа до неговите корени со албумот „Lighter Notes“ со кој и премиерно ќе се претсави на македонската публика.

– Во текот на годините, мојата музика беше под влијание на џез, фанк, поп, блуз, хип хоп и електро битови. Со „Lighter Notes“ сакав да создадам албум кој ги прикажува овие влијанија, но не е „вообичаениот“ албум со џез звук што може да се очекува. Тоа е повеќе судир помеѓу жанровите и звучните светови, вели Шестак во пресрет на концертот во Скопје.

Концертот почнува во 20 часот во големата сала на Филахармонија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.