Министерството за труд и социјална политика известува дека на ден 27.12.2022 година (вторник) започнува етапната исплата на пензиите за месец декември, кои продолжуваат да се исплатуваат предвремено.

Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:

  • За пензии со висина до 11.000 денари, исплатата да се изврши на 27.12.2022 година (вторник);
  • За пензии со висина 11.001-14.000 денари, исплатата да се изврши на 28.12.2022 година (среда);
  • За пензии со висина 14.001-18.000 денари, исплатата да се изврши на 29.12.2022 година (четврток) и
  • За пензии со висина над 18.001 денари, исплата да се изврши на 30.12.2022 година (петок).

Пензионерите кои користат платежна картичка, поврзана со сметката на која се префрлува пензијата, со парите можат да располагаат од 27 декември (вторник). Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања.

 

 

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.