Министерството за труд и социјална политика известува дека во однос на Објавата за висината на минималната плата за 2023 година („Службен весник на Република Македонија“ бр.58/23), која беше објавена на 16.03.2023 година согласно Законот за минимална плата во Република Македонија,  работодавачите се должни утврдениот бруто-износ за 2023 година од  29.739,00 денари, да го пресметаат и исплатат со платата за месец март. Согласно Законот за работните односи  платата за месец март треба да се исплати најдоцна до 15 април 2023 година.

 

Износот на минималната плата согласно критериумите од методологијата донесена изминатата година, беше усвоен на Економско социјалниот совет одржан на 13.03.2023 година. На ниту еден работник со мартовската исплата нема да му биде иплатена плата помала од 20.175 денари.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.