Ресенчанец пронашол граната што потекнува од Првата светска војна, соопштија денеска од Министерството за внатрешни работи. Гранатата е пронајдена кај бензинската пумпа во селото Сливница.

-Во Полициската станица Ресен, 41-годишниот З.Ч. вчера во 14:30 часот пријавил дека кај бензинска пумпа во селото Сливница пронашол граната. Пиротехничар од Дирекцијата за заштита и спасување Битола ја подигнал гранатата и констатирал дека се работи за граната со калибар 75 милиметри, што потекнува од Првата светска војна, се наведува во соопштението од МВР.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.