Претседателот на Србија, Александар Вучиќ, по вчерашното отворање на Вториот меѓународен саем за вино Вино Визија на отворен Балкан и билатералните средби, заедно со Димитар Ковачевски, Јаков Милатовиќ и други дојдоа на вечера во ресторан во главниот град, објави српски Курир.

На Инстаграм профилот „будуќностсрбијеав“ беше објавено видео од ресторанот, а претседателот Вучиќ заедно со премиерот на Македонија и претседателот на Црна Гора ја пееја добро познатата народна песна „Дајте вина, хоќу лом“.

Да потсетиме, претседателот на Србија, Александар Вучиќ денеска учествуваше на отворањето на Вториот меѓународен саем за вино „Wine Vision of the Open Balkans“.

На отворањето присуствуваа и претставникот на Владата на Македонија, Димитар Ковачевски, претседателот на Црна Гора, Јаков Милатовиќ и претседателот на италијанскиот регион Венето, Лука Заја. На церемонијата присуствуваат бројни достоинственици од регионот и светот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.