Пред мировната конференција во Рамбује, која пропадна и беше увертира за бомбардирањето на Србија, во Белград се водеа тајни преговори со Американците за статусот на Косово и Метохија!

Професорот по уставно право Владан Кутлешиќ, инаку советник на претседателот на СРЈ, Слободан Милошевиќ, работел со американски соработник во Белград и сега открива што се случувало пред повеќе од две децении.

Една година пред Рамбује, во Белград, во апсолутна тајност, започнуваме разговори со Американците за Косово. Само четири луѓе знаат за тоа. Во многу добра и конструктивна атмосфера, во февруари 1998 година, дојде Џим О’Брајан, специјалниот советник на Медлин Олбрајт и еден од нејзините најдоверливи луѓе. Тој престојуваше во Белград континуирано од февруари до мај 1998 година и ние двајца работевме на текстот што требаше да го реши статусот на Косово.

Пресвртна точка во односот на Американците кон прашањето за Косово одигра случајот со Адем Јашари и акциите на српските безбедносни сили во селото Доње Преказе, на 5 март 1998 година.

Според официјалната полициска верзија за настаните, српските безбедносни сили ја опколиле семејната куќа на Јашари и повикале да се предаде. Полицијата им дала два часа да се предадат. Групата на Јашари одговори со тешко оружје — минофрлачи, митралези, рачни гранати, снајперски пушки, при што уби двајца и рани тројца полицајци. После тоа, полицијата со тешка артилерија ја срамни со земја семејната куќа на Јашари, заедно со 56 членови на неговото семејство, меѓу кои 18 жени и 10 деца.

Oсновачот на УЧК си го заклал внукот бидејќи сакал да се предаде на Србите



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.