САД стави уште петмина Бугари на црната листа, од кои тројца поврзни со енергетскиот бизнис.

Меѓу санкционираните за корупција се и поранешните министри Владислав Горанов од ГЕРБ и Румен Овчаров од БСП, како и поранешниот директор на нуклеарната централа „Козлодуј“ Александар Николов.

Овчаров и Николов заедно ја оштетиле државата за над 50 милиони долари со набавките на нуклеарно гориво, а Горанов го оштетил буџетот за над 300 милиони долари во рок од пет години со промени на законодавството во корист на коцкарските фирми.

САД велат дека санкционираните лица и фирмите поврзани со нив се од различен спектар на бугарската политика и тоа го покажува длабоко вкоренување на корупциски шеми и модели кои што треба да бидат искоренети од бугарскиот општествен и политички живот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.