Раката на Свети Јован била причина за несреќите кои се случиле во српското кралско семејство Караѓорѓевиќ. Мајката на последниот руски император, царот Николај – Марија Фјодоровна, ја однела во родната Данска. Во договор со киевскиот митрополит Антони Храпавицки, одлучено е да и се подаде рака на династијата Караѓорѓевиќ, во знак на благодарност што прими десетици илјади руски бегалци по протерувањето од нивната татковина.

Раката на Свети Јован Претеча му била дадена на кралот Александар во Сремски Карловци, кон крајот на дваесеттите години на минатиот век, а потоа била предадена во ризницата на дворската црква на Дедиње. Таму останала до 1941 година, кога владата и кралот Петар II почнале да се повлекуваат пред налетот на германските окупатори. Раката била земена и оставена во Острошкиот манастир заедно со други вредни предмети. Никогаш официјално не е објаснето зошто кралот Петар ја оставил, односно зошто не ја однел со останатите вредни предмети во Лондон.

Моштите и по ослободувањето имале чуден пат. По завршувањето на војната, еден од монасите им кажал на новите власти што кријат манастирските ќелии. Малиот ковчег со раката е одземен во најстрога тајност и предаден на музејот во Цетиње каде што се наоѓа и денес.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.