Третата политичка сила во бугарскиот парламент, Движењето за права и слободи (ДПС), на консултациите со претседателот на Бугарија Румен Радев соопшти дека е потребен дијалог за надминување на политичката криза, јавува дописникот на МИА од Софија.

Румен Радев коментира дека луѓето во Бугарија очекуваат редовна влада која ќе ги решава проблемите и ќе сноси политичка одговорност.

Тој потсети дека за помалку од две години бугарските граѓани четири пати гласале за парламент. Општо е дека на изборите на 2 октомври не и дадоа голема доверба на ниту една партија.

Парламентарните избори во Бугарија, според Радев, не дале можности за лесни коалиции. Сепак, според Радев, граѓаните на Бугарија очекуваат нивните проблеми да не се одложуваат, да се решаваат навремено, одржливо и ефикасно.

Првата криза што мора да се надмине според ДПС е политичката. А на прашањето од претседателот Радев дали ДПС ќе поддржи влада со мандат на ГЕРБ-СДС, Мустафа Карадаи одговори дека со предуслови – црвени линии, розови линии или какви било линии, тешко ќе се добие каков било резултат. Дијалогот со линии на поделба заснован на реваншизам и омраза и противење тешко дека ќе произведе производ. ДПС, според Карадаи, има приоритет на дијалогот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.