Подарувала јаболка, црвени и зелени, но и Уставот на Бугарија. На десетици настани со политичари, таа била главна тема.

Илијана Беновска е новинарката која му подари јаболко и на новиот македонски премиер Димитар Ковачевски.

„Полека со местенките, срамота е!“ реагира Стоилковски на бугарската новинарка која му подари црвено јаболко на Ковачевски

Црвено јаболко од Беновска доби и специјалниот претставник на македонската Влада за Бугарија Владо Бучковски.

Бучковски: Ако остане ветото на Бугарија, ќе се зголеми руското влијание и кинеските инвестиции

Новинарката Беновска е дипломец на Националната академија за театарска и филмска уметност. Пред да се заминава со новинарство, работела како чистачка,
сценаристка, режисерка. Сепак, врвот на популарноста го достигнува со подароците што им ги дава на политичарите.

Црвено јаболко од Беновска добиле и Румен Радев, Бојко Борисов и други, а новиот бугарски премиер, пак, зелено, бидејќи, како што му објаснила, се уште зелен е во политиката.

Во едно од многуте видеа, новинарката Илијана Беновска објаснува зошто им дели јаболка на политичарите. Приказната почнува од некогашниот француски амбасадор во Софија, Кабан, кој рекол дека „бугарската нација е полна со гнили јаболка“. За да докаже дека не е така, новинарката дели здрави јаболка на настаните. Од политичарите бара да го одржат јаболкото здраво и да го демантираат амбасадорот, за кој вели дека си ја добил казната со тоа што завршил во некоја африканска земја.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.