Албанското министерството за Европа и надворешни работи реагираше за “пасивизацијата на адресите на Албанците во Прешевската Долина”(јужниот дел на Србија),  оценувајќи дека тоа е “кршење  на човековите права”.

– Будно го следиме феноменот на пасивизирање на адресите на Албанците во Прешевската Долина, посебно во Медвеѓа. Оваа постапка претставува кршење на човековите права и стандардите за заштита на малцинствата, лишувајќи ги Албанците од пристап до основните услуги и остварување на нивните основни права, се наведува во реакцијата.

Според МЕНР,  оваа појава не е чисто правно прашање, туку има последици врз секојдневниот живот на Албанците во овој регион, кршејќи ги нивните права и еднаквост.

Министерството додава дека ќе продолжи да се занимава со ова прашање во дијалогот со српските власти, како и на меѓународните форуми.

-Преку својата постојана посветеност, Албанија ќе продолжи да бара заштита на правата на Албанците во Прешевската Долина, во согласност со меѓународните стандарди за човекови и малцински права, се наведува во реакцијата.

Според медиумите вчера портпаролката на Европската комисија за проширување, Ана Писонеро, изјавила дека  Европската унија побарала од Србија да го разјасни ова прашање, наведувајќи дека е свесна за загриженоста на Албанците на југот на Србија во врска со ова прашање



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.