Ракометарите на Еурофарм Пелистер вечер во Битола очекуваат да ги освојат првите бодови во европската Лига на шампионите.

Битолчани, во спортската сала „Боро Чурлевски“ го пречекуваат Спортинг од Лисабон, клуб со кој прв пат меѓународен натпревар одиграа во 2017 година во рамки на тогашниот ЕХФ Челинџ Куп, а вечер од 20:45 часот ќе се сретнат во рамки на четвртото коло на Лига на шампионите.

– Спортинг е клуб во голема форма, но ние играме пред својата публика и на домашен терен и ќе дадеме се од себе да ги освоиме првите бодови во европската Лига на шампионите. Португалците играат модерен ракомет со полуконтри, но со силна одбрана ќе го спречиме нивниот брз напад, изјави во пресрет на вечерашниот дуел со гостите од Португалија, ракометарот Цветан Кузманоски.

Во досегашните меѓусебни средби во различни европски натпреварувања Спортинг има подобар вкупен резултат од македонскиот шампион Еурофарм Пелистер.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.