Викендов на планината Плачковица ќе се одржи јубилејно 20. издание на „Ја сакам Плачковица 2024“, информираше на прес-конференција Милорад Ангелов. еден од организаторите на настанот.

Оваа година „Ја сакам Плачковица“ ќе понуди преубава Програма, ќе има различни дисциплини, како и секоја година, ќе имаме спортско качување, потоа опен деј на вештачка карпа, ќе имаме детска трка, ќе влегуваме во пештери, вели Ангелов.

Тој посочи дека Плачковица треил ќе биде трка во должина од 18 километри со висинско качување од 750 метри, а за најдобрите ќе има и награди. Во недела од 13 часот на програмата ќе биде „опен деј“ качување на вештачка карта за почетници и авантуристи.

20-годишното издание на „Ја сакам Плачковица“ ќе биде одбележано и со настап на групи од штипската рок сцена. На овој настан ќе се одржи и новата дисциплина „Виа ферата“ на врв „Лисец“ на планината Плачковица. Интересот за овој спортски фестивал е голем, а самиот настан ќе биде заокружен во недела од 21 часот со заедничко следење на финалето од Европското првенство.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.