Италијанскиот тенисер Јаник Синер го совлада на АТП Мастерсот во Торино Данецот Холгер Руне во драматичен дуел со 6-2, 5-7, 6-4 и го „повлече“ со себе во полуфиналето на завршниот турнир од сезоната и светскиот рекет број 1, Србинот Новак Ѓоковиќ.

Синер одигра за Ноле

Синер и пред завршниот дуел во групната фаза беше сигурен патник во полуфиналето, но пласманот на Ѓоковиќ беше неизвесен и евентуална победа на Данецот во последниот натпревар од „Зелената група“ ќе го оставеше најдобриот светски тенисер без полуфинале.

Клучниот момент во пресметката меѓу Синер и Руне се случи во третиот сет при резултат 4-4, кога домашниот тенисер направи брејк, откако во претходниот гем тоа не му успеа на Данецот.

Синер е првиот италијански тенисер во историјата кој ќе игра полуфинале на завршниот АТП турнир на сезоната во која со триумфот над Руне дојде до бројката од 60 победи од почетокот на оваа година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.