Светскиот рекет број 1 Јаник Синер двапати беше позитивен на забранетиот стероид клостебол за време на овогодинешниот Мастерс во Индијан Велс, но нема да биде суспендиран откако независната комисија не утврди никаква вина или невнимание од негова страна во инцидентот.

Во соопштението се наведува дека прекршувањето дошло откако фитнес тренерот на Синер купил производ со кој се грижел за расекотина на прстот, но при лекувањето со најдобриот играч на светот не користел ракавици, па недозволената супстанца влегла во кожата на тенисерот.

Сега на целата тема проговори и Дарен Кејхил – тренерот на Јаник:

– Никогаш не би го направил тоа намерно. Се нашол во несреќна ситуација. Вистината излезе на виделина, немаше вина или невнимание и се надевам дека ќе може да го остави ова зад себе и да излезе подобро од сето тоа – изјави Кејхил за „ЕСПН“.

На Јаник му беа одземени 400 поени и 300.000 евра за полуфиналето во Индијан Велс, но нема да биде суспендиран.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.