По повод 13 Ноември – ослободувањето на Скопје, на 3-ти и 4-ти ноември ќе се одржи третиот по ред меѓународен мастерс турнир во ватерполо во базенот „Борис Трајковски“.

Турнирот е во организација на ВК Вардар Ветерани, a учество ќе земат 13 екипи со играчи од 12 земји – Македонија, Хрватска, Црна Гора, Босна и Херцеговина, Грција, Турција, Словачка, Унгарија, Велика Британија, Јапонија, Германија и Бугарија. Домаќинот Вардар ќе настапи со две екипи.

Турнирот веќе прерасна во традиција, а целта е афирмација на ватерполото кај младата популација, како и дружба и нови пријателства помеѓу љубителите на овој спорт од целиот регион и пошироко.

Во петок, 3.11.2023 во 13:00 часот градоначалникот на Општина Карпош, Стевчо Јакимовски, свечено ќе го отвори турнирот, а натпреварите ќе се играат во петок и сабота од 10:00 до 17:00 часот. Базенот ќе биде отворен за посетителите кои ќе сакаат да ги проследат натпреварите, а влезот е бесплатен.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.