Украинската атлетичарка Јарослава Махучик го освои златниот медал на Светското првенство во сала, кое се одржуваше во Белград, откако во претходните недели преживеа вистински хорор по инвазијата на Русија.

Оваа 20-годишна Украинка се криела во нејзиното село од руските бомби и не знаела дали ќе дојде во Белград, но сепак тргнала и патувала четири дена до Србија, по што го воодушеви светот.

Поради тешката ситуација во Украина, младата атлетичарка се расплака и опиша како изгледала руската инвазија.

„Се разбудив на 24 февруари, кога експлодираа две бомби. Ги повикав родителите, тренерот, не знаев што се случува, а потоа дознав дека Русија почнала војна со Украина. Ми беше тешко, избегавме во село, каде што се криевме една недела и не размислував воопшто за тренинг. Федерацијата ни се јави и кажа дека мора да патуваме за Белград. Четири дена минав во пат, но си го остварив сонот. Ова е медал за мојата земја, народ, војска“, вели Махичук.

Махичук скокна 202 сантиметри од првиот обид и зад себе ги остави Елеонор Патерсон, како Надежда Дубовитскаја.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.