Кошаркарот на Анадолу Ефес, Брајант Данстон, денеска доживеа сообраќајна несреќа во Истанбул и во која за влакно избегнал сериозни повреди. Искусниот кошаркар го возел својот автомобил зад камион кој поради невнимание на возачот удрил во надвозник и се превртел на патот, а контејнерот кој се наоѓал на приколката слетал точно на предната страна на возилото на Данстон.

Возило на брзата помош и пожарникарите набрзо пристигнале на местото на настанот и го извлекле Брајант Данстон од смачканото возило. Бидејќи предниот дел од неговиот автомобил бил целосно уништен, американскиот кошаркар висок 203 сантиметри морал да биде извлечен низ задниот дел од возилото.

Вистинско е чудо како Брајант помина само со лесни повреди. На фотографии од болницата се гледа дека во завој се само неговите дланки.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.