Фудбалерите на Жирона се вратија на чело на табелата во Ла Лига, откако синоќа го совладаа на домашен терен Алавес со 3-0 во рамки на 17. коло во шпанското првенство.

Рутинската победа на најпријатното изненадување сезонава во Шпанија ја навести украинскиот напаѓач Артем Добвик во 23 минута, а пред крајот на првиот дел предноста ја зголеми Порту (42. минута).

Печат на победата во 59. минута од пенал стави Добвик, кој дојде до бројката од десет голови сезонава во Ла Лига и е втор на листата стрелци зад Џад Белингем од Реал Мадрид (13 голови).

Со победата тимот предводен на клупата од Мичел Санчес се врати на чело на табелата со 44 бодови, два повеќе од Реал Мадрид на второто и девет повеќе од Барселона на третото место



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.