Иван Ивица Бек на пошироката јавност и стана познат преку филмот „Монтевидео, бог те видео“.

Најдобриот стрелец на репрезентацијата на Кралството Југославија на Светското првенство во Уругвај во 1930 година имаше бурен и трагичен живот.

Иако беше најплатениот играч во својата ера, умре во најголема сиромаштија. По избувнувањето на Втората светска војна како офицер во француското движење на отпорот остана запаметен по својата херојска акција. Врз основа на ова е снимен култниот холивудски мегахит „Во орловото гнездо“, во кој главните улоги ги толкуваа Ричард Бартон и Клинт Иствуд.

Иако има германско-чешко потекло, семејството Бек исклучиво го зборувало српскиот јазик и развилоголема љубов кон својата татковина. Татко му Вили трагично го заврши својот живот при пробивот кај Кајмакчалан како надзорник-полковник на топовска батерија во војската на Кралството Србија.

Веќе во 1925 година, на само 16 години, Иван стана член на првиот тим на БСК, еден од најдобрите клубови во земјата во тоа време. На „сините“ настапи 50 натпревари и постигна 51 гол.
Веќе во 1925 година, на само 16 години, Иван стана член на првиот тим на БСК, еден од најдобрите клубови во земјата во тоа време. На „сините“ настапи 50 натпревари и постигна 51 гол.

По војната, Ивица Бек се посвети на тренерската кариера, но немаше голем успех.Кон крајот на животот го отворил бистрото „Тобџија“ на морскиот брег. Откако му пропаднал угостителскиот бизнис, станал столар, а потоа и продавач на тезга на пазар.

Починал на 2 јуни 1963 година на 54-годишна возраст од срцев удар, на сред улица во градот Сет. Беше погребан на локалните гробишта Ле Пи во Сето и долго време беше заборавен во својата татковина, се додека благодарение на Драган Бјелогрлиќ и „Монтевидео“ не го запознаа помладите генерации.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.