Јапонскиот фудбалер Хироки Ито е нов играч на Баерн, потврди денеска германскиот клуб.

Ито во Баерн пристигнува од Штутгарт и потпиша четиригодишен договор со Баварците.

Тој е првото засилување на новиот тренер на Баерн, Винсент Компани, кој минатиот месец го замени Томас Тухел на клупата.

– Сакаме „гладни“ играчи кои носат нова енергија, а Хироки има сè што сакаме: тој е играч кој прифаќа предизвици, ги надминува и продолжува да притиска напред“, изјави членот на спортскиот комитет на Баерн, Макс Ербел.

Баерн не ја објави висината на трансферот, а според германскиот магазин Кикер, најтрофејниот бундеслигаш ќе му плати на Штутгарт 23 милиони евра плус потенцијални бонуси на име обештетување.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.