Hide е новиот сингл на Хејз (Haze), 6-ти од албумот Afterlife. Претходно се престави со Afterlife, Stargazing, Heaven, Сенки и Ode of Joy.

Ненад Тодоровски е познат на македонската јавност под псевдонимот Хејз (Haze), под кој работи како музички продуцент и диџеј. Зад себе има повеќе проекти преку кои има издадено повеќе од 20 синглови и ремикси. Има соработувано со Бобан Апостолов (naBBoo), Brass Brothers, Cyrillic, Galoski, Iwayo, Викторија Лоба и многу други.

Синглот Hide беше претставен на јавноста на 07.11.2024 преку македонската издавачка куќа Cafe De Anatolia која во моментов важи за една од најдобрите издавачки куќи позната по комбинацијата на модерна електронска музика со традиционална музика од Балканот и Блискиот Исток.

Основана е во 2017 година од Зоран Илиев (познат под псевдонимот Billy Esteban), неговата ќерка Моника Илиева и синот Никола Илиев). Cafe De Anatolia има добиено 31 награда на видео платформата YouTube – 3 златни плакети за над милион претплатници и 28 сребрени плакети за над 100.000 претпланици.

Текстот е на Ненад Тодоровски а вокалот е во изведба на Александра Иванова. Александра покрај соработката со Хејз и BDM, позната и е на јавноста со својата авторска песна Not the Same.

Новиот сингл може да се слушне на следните канали на Хејз: Youtube, Инстаграм Haze, Spotify и на инстаграм профилот на Александра Иванова.

Извор: Вести365.мк



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.